si la muerti me solprendi
asina de repenti
quieru que del mi cuerpu saquin
toito lo que sirva d'el.
Loh mis riñonis,
er mih jigadu
loh mioh plumunis
y er mio corazón.
Y si silven mis ojus
pa daile luz a otrus ojus
qu' habitan in la penumbra,
tanmien loh donu.
Too, too lo que puea sarval otras vias;
y dispueh qui lo quemin
qu' er fuegu devori
toito lo qui no sirva.
mih guesus,
mih carni...
(¡toito lo que no sirva!)
Y derramin lah mih cenizah
pol la desa,
pol lah viñah,
qui se ahuntin con loh suoris de mi padri
quivuelin por aondi yo corri
cuando era niña.
fin
M. Carmen D.
22-2-2008
No hay comentarios:
Publicar un comentario